تاڵەبانی پڕۆژەی (شۆڕش کشتوکاڵی) لە هەرێم کوردستان راگەینێد
![تاڵەبانی پڕۆژەی (شۆڕش کشتوکاڵی) لە هەرێم کوردستان راگەینێد](https://media.shafaq.com/media/arcella/1654595454957.jpg)
شەفەق نیوز/ بێگەرد تاڵەبانی خانمە وەزیر کشتوکاڵی و سامانەیل ئاوی لە هەرێم کوردستان، ئمڕوو سێشەممە، وازکردن ناوەندیگ "گرنگ" راگەیان ئەرا توێژینەوەیل کشتوکاڵی لە پارێزگای هەولێر لەماوەی مانگەیل بانان وهاوکاری دەیان کۆمپانیایل بیگانە.
ئەوەیش لە وتاریگی هات لە پەراویز رسوومەیل داناین سەنگ بنەڕەتی ئەرا سێ پرۆژە لە شار دهۆک، ک پڕۆژەی بارەسیاو ئارد، وماڵ شۊشەیی ئەرا میوە وسەوزە، وەگەرد پڕۆژەی ئیوەتکردن مانگا ودروسکردن خوەراک.
تاڵەبانی لە وتارەگەی وت: ئەوەسا ئی پرۆژەیلە بوونە هووکار لە گەشەی چین ئابووری لە هەرێم کوردستان ودابینکردن دەرفەتەیل کار، و دووپات کرد ک یانە لەو پڕۆژەیل ستراتیژی گرنگەن. وتیش: توەنستیمن چەن پڕۆژەیگ ستڕاتیژی لە گشت پارێزگایل هەرێم کوردستان جیوەجی بکەیمن، و شایەت بەرهەم بەشیگیان وەینزیکە بوینیمن.
تاڵەبانی وتیش: توەنستیمن ١٢ پڕۆژەی شیرەمەنی واز بکەیمن، و بەشیگیان هانە ئاست جیوەجیکردن، و نزیکەی ١٥ سەر وڵاخ لەو پڕۆژەیلە ئێوەت کریەن، وشیریان ئەرا بەرهەم شیرەمەنی وەکار تیەن.
هەمیش باس وازکردن ٣ هەزار پڕۆژەی ماڵ شۊسەیێن لەی کابینەی حکومەتیە واز کریا، ک دەرفەت کار ئەرا نزیکەی ١٤ هەزار کەس وەدەس هاورد.
تاڵەبانی ئاشکرای ئەوەیش کرد ک لە مانگەیل کەم بانان ئەوەسا گام گرنگیگ نریەێد، ناو "شۆڕش کشتوکاڵی" بڕیمنە باڵای، وە وازکردن ناوەند توێژینەوەیل کشتوکاڵی، ئەوەسا نزیکەی ١٠٦ کۆمپانیای بیگانە لەناوی کارکەن، وئەوەسا لەناو ئی پرۆژەیلە پەیوەندی وەگەرد وڵاتەیل جەهان کەیمن، وەتایبەت هۆڵەندا، ودیاری کرد ک ئەوەسا هەمیش پارێزگایل هەرێم وەی ناوەندە بەسیەن.