کتاوخانەی " کاریزی" پێکهاتەیل کەرکوک گردیەسە خوەی
شەفەق نیوز/ تارق کاریزی نووسەر و ڕووژنامەنووسیگ کوردە کتاوخانیگ وەناو "کاریزی" لە شۊنیگ کۆمەڵایەتی لە پارێزگای کەرکوک دروس کردییە تا نزیک بوود لە خوەنەرەیل، کتاوخانەگە زیاتر لە 15 هەزار کتاو وە زوانەیل پێکهاتەی کەرکوک لە ناوچەی باڕۆدخانە گرێدە خوەی.
کاریزی وە ئاژانس شەفەق نیوز وت ئی کتاوخانە جیاوازە لە کتاوخانەیلتر، چۊنکە پابەند نییە وە وەختەیل کارکردن رۆتین سەردانکەرەیل تۊەنن بمیننەو و هەرمەوقە تواستن داوای کتاو بکەن.
دیاری کرد "کتاوخانەگە لە ٢٥ هەزار گۆڤار و رووژنامە پێکهاتیە کۊنترین کتاو چوودەو ئەرا ساڵ ١٩٠٠ فەرهنگیگ عەرەبی فەرەنسیە لە لوبنان چاپ کریایە.
کتاوخانەگە تۊنستیە میوانداری دەیان وانە و نمایش شانۆیی بکەێد و بۊیەسە شۊن جەمەوبۊینیگ ئەرا روشنهۊرەیل و خوەنەوارەیل زانست و هەرلیوا چەن ئاسەوار و تابلۆی هونەرمەندەیل و شاعیرەیل و کەسایەتییە مێژووییەیلە هاناوی.
