تاوانیگ چەمچەمال تیارێدە لەرزە
2023-05-08T07:15:05+00:00
شەفەق نیوز/ سەرچەوەیگ ئەمنی لە قەزای چەمچەماڵ سەروە پارێزگای سلێمانی، ئمڕوو دووشەممە، خەوەردا لە کوشیان خاوەن کێلگەیگ پلەوەر لەدویای ئازارداین خوەی و کورەگەی وەلایەن شمارەیگ کراکار لە ناو کێلگەگە.
سەرچەوەگە وە ئاژانس شەفەق نیوز وت، " شمارەیگ کراکار عەرەب لەناو کێلگەیگ پەلەوەر کارکردنە لە ئاوای گورگەیی سەر وە قەزای چەمچەمال، خاوەن کێڵگەگە کوشن لەدویای ئەوەگ وەگەرد کورەگەی رفاننەیان شیوەی دڕندانە ئەزاویان دەن.
سەرچەوەگە وتیش، کراکارەیل بڕە پویلیگ لە قوربانی 53 ساڵانەگە دزینە، ک لە ئەنجام فرووشتن بەرهەم هەفتەیگ وەدەسی کەفتوێد" ، وتیش" کوڕ قوربانیەگە توەنستیە لە دویای زیاتر لە ساعەت و نیمیگ لە رفاننی خوەی قورتار بکەێد، روی بکەێد جادەی گشتی مابەین قەزای چەمچەماڵ و پارێزگای کەرکوک تا هاوڵاتیەیل ئاگادار بکەێد وەگەردیاش خەوەر وەپۆلیس چەمچەمال دایە".
دیاریکرد،" وەپای قسەی شایەتحاێەیل و لێکۆڵینەوەیل ئەوانە هەفت کەس بوینە، سێ دانەیان ژن و چواریانیش پیاو، ماوەی سێ مانگە لە کێڵگەگە کارکەن، و لەدویای تاوانەگە ئەرا شوین نادیاریگ واینە".
