بکوش ژنەگەی زاخۆ دەسگیر کریا

شەفەق نیوز/ دویای کوشیان ژنیگ لەتەمەن ٤٢ ساڵان لە  كۆمەڵگای رزگاری لە سنوور زاخۆ،  هیزەیل پۆلیس  دەسگیر بکوشەگەی کردن.  

نەشئەد سەلمان، قسەکەر پۆلیس ئیدارەی سەروەخوەی زاخۆ، لە پەیامیگ ڤیدیۆیی، لە هەژمار ڕاگەیانن پۆلیس زاخۆ راگەیان: “کەمتر لە 24 ساعەت هیزەیل پۆلیس توەنستن بکوش ئەو ژنە ک لە ٢٠ ئایار ٢٠٢٢ لە دەشتایی ئاوای حەسەن رەشۆ لە سنوور ئیدارەی سەروەخوەی زاخۆ تەرمەگەی وەکوشیایی پەیا کریا، دەسگیر بكەن”. 

وتیش: “دویای ئەوەگ زانیاری گردەو کریا و توەنریا  توومەتبار دەسگیر بکریەێد، ئەو توومەتبارە لەوەردەم دادوەر لێكۆڵینەوە و جیگر داواكاری گشتی و تەواوی ئەفسەرەیل لێكۆڵینەوە ئامادە بویە. 

ئەو ژنە خەڵک کۆمەڵگای رزگاری بوی لە پارێزگای دهۆک، ک لە سنوور زاخۆ کوشیایە.