بەهەشت خودا لەبان ئی زەویە.. ئافاشین کوردستان کەفتیەسە ناوڕاس جەنگ
![بەهەشت خودا لەبان ئی زەویە.. ئافاشین کوردستان کەفتیەسە ناوڕاس جەنگ](https://media.shafaq.com/media/arcella/1711800435871.png)
راپۆرتەگە وە ئەڵگەردان ئاژانس شەفەق نیوز باسیگ ئەرا ئەو سەیرانگا پیشکەش کرد کە کەفێدە زیباری، کە سیمای خیزانەیل بڵاو بوون مەوقەی ئاهەنگ برشانن و نووشین، لەسای خوەر سویەر، وەلێ ئاو چەمەگە جویر یەخ سەردە، کە ئەو ناوچە رەنگینی فرەیگ نشان دەێد، کە دارە سەوزەیل وە درویژایی ناوچەگە هانە رز یەک، لە وەختیگ مەردم خوەشی کەن و نان خوەن.
راپۆرتەگە وتیش: زنجیرەیگ لە تەپە و کوڵەی رەنگین لە شان سەیرانگاگە هەس، وەلێ کەمیگ لە مەردم ویرەداری کەن و رەسنە شوینەیلیگ بەرزتر لەو تەپەیلە، وتیش: کوێەیل دەورگردی ئەو شوینەسە کە لەناو پەکەکە و تورکیا بە دەیان ساڵە وەردەوام جەنگ کەن.
راپۆرتەگە وتیش: جەنگ ناوەین هەردگولا وە پلەی گەورەیگ رەسیە کوێەیل کوردستان کە لە سنوور کوردستان هاتە ناو، کە تورکیا گورزەیل ئاسمانیی لە ماوەی ساڵەیل گوزەشتە زیای کرد، كە جموجویل چەکدارەیل پەکەکە سنووردار کەێد، کە ناچار بوین بچنە ناو تونێل و ئەشکەفتەیل.
راپۆرتەگە وتیش؛ ئافاشین کەفێدە ناوچەی سەوزیگ، باوجی کار فرەیگ لە ریواڕەیل نیەخوازێد تا وەرەو ناوچەیلیگ مەترسیدارتر پیچەو بخوەن.
هەمیش وت: ئەو کوێەیلە ئیرنگە ناو ناوچە سوورەیل بڕیاسە باڵایان، و ئەگەر کەسیگ لەو ناوە گوما بوود، واتە کەفتیەسە وەر مەترسی گەورەیگ.
راپۆرتەگە باس سوهێب نەجمەددین ٣٩ ساڵە کە رانندەی ماشین بارهەڵگرە خەڵک موسڵ، کە ئەرا ئی سەیرانگا تیەێد و خوەی خەێدە ناو ئاوە سەردەگە، و وەخت خوەشیگ وەرد برادەرەیلی وەسەر بەێد.
ئیجا راپۆرتەگە باس ئەو زیانە کەێد کە موسڵ لەژیر دەسەڵات داعش وەخوەی دی، کە وت: جەنگ ناوەین پەکەکە و تورکیا لە هویر سوهێب نییە هەناێ تیەێدە ناو ئافاشین.