بەهارات سلێمانی.. تام خواردن جیوازیگ لە کوردستان
شەفەق نیوز/ شار سلێمانی لەناو شارەیل کوردستان وە خواردن جەماوەری خوەش تام و بوو خوەش جیوازە، وە تام بەهاراتە هەمەڕەنگەیە رەسنەگەی ک لە بازاڕ فرووشیەن.
لە کۆنەترین دوکانەیل بەهارات خوەی دوکان (بەهارات سلێمانی)ە، لەناو سلێمانی، ئەرا دلێر عومەر خاوەنی ک ناسریاگە وە (دلێر بەهارات) لەناوڕاس بازاڕ شارەگە، و ئەرا ئاژانس شەفەق نیوز ئووشێد: ئەیە ٢٠ ساڵە کار لەی پیشە کەم، ک لە سەرتا لە یەکیگ لە دوکانەیل بەهارات فرووشەگان کووڵبەری کردیام، و هووکارەی پیشەگە بویم، ئیجا هویرەو کردم لە دوکان بویچگیگ بەهارات بفرووشم.
عومەر ئاماژە کەێد ک فرەی بەهاراتەگان لە وڵاتەیل هیند و ڤێتنام و هیندستان و سوریا و تورکیا.. وەشیوەی گڵا یا چڵ تیەن، و خۆماڵی لەناویان کەمە لەوەر کەم بەرهەمی، چوونکە کشتوکاڵی ئی چینەیلە توانا و ئەزموون خوەی خوازێد.
دەربارەی ئەو بڕەیلە ک رووژانە لەی چینەیلە فرووشیەن، عومەر ئووشێد لە ٢ تەن زیاتر لە چینەیل بەهارات لەوکانەیل تاک فرووشەگان فرووشیەن.
ئاماژەیە ک خەڵک سلێمانی جوور ئەو کوردەگان جووراجور لە چینەیل بەهارات وەکار تیەرن، وەتایبەت بەهارات دۆڵمە و بریانی لەناو قەزانەیل کوڵاننیان ئەرا خووان خواردن.
