بەنگ ئاوەگە رەنگینی دوکان و دەربەندیخان زیای کەێد و وەڕیەوبەر بەنداوەیل کوردستان ئویشێد دڵنیا نیەکەێد.. وینە

خانی ئەرا ئاژانس شەفەق نیوز وت: "ئاست ئاو بەنداو دەربەندیخان رەسیەسە زیاتر لە 14.5 مەتر سێجا، لە وەختیگ ئاست ئاو بەنداو دوکان رەسیەسە زیاتر لە 9 مەتر"، وتیش:  "وە بەراورد وە بەنداو دەربەندیخان و دوکان وەچەو پارەکە وە ڕێژەیگ بەرز زیای بویە". 

 وتیش: "ئەو بڕە فرە وارانە کە لە ناوڕ٦ مانگیشوباتەوە واریە، بەشداربویە لە زیایکردن بڕ ئەمبارکردن لەی دوو بەنداوە"، یەیش نشان دەێد کە لە خود مەوقە کە لە وەرز ئیسە وارانیگ زیاتر وارێد.

لەباوەت رخ هشکەساڵی و بیاوانبوین، خانی وت "داتا زانستییەیل دڵنیایی نیەکەن تا پەنگ ئاو بەنداوەکان پڕ نەکریەێد و یەیش تا ئیسە نەهاتیەسە دی"، وتیش: "رەوش کشتوکاڵ لەی وەرزەدا خاسە وەمدوو زیایبوین ئاوەگە لە  بەنداوەیل دوکان و دەربەندیخان”.

 لە وەرانەوەر ئەوە وەڕێوەبەر گشتیی بەنداو دوکان، کۆچەر جەمال، وت: لە  لە 14ی شوباتەو تا ئیسە ئاست بەنداو دوکان ئەرا نزیکەی 3.5 م3 بەرزەو بویە، و لە مانگ کانوون دویەمەو ئاو بەنداوەگە ئەرا نزیکەی 9.5 م3 زیای کردگە، و یەیش نشانەس ئەرا زیادبوین بڕ ئاو وە بەراورد وە ساڵ گوزەشتە تا ئیجارە نزیکەی دوو مەتر سێجاس.”

 لەباوەت بڕ گشتی ئەمبارکردن ئاو بەنداوەگە، جەمال وت:  رەسیەسە وەربەستی 7 ملیار مەتر سێجا، و بڕ ئاوەگە ئیسە نزیکەی 2.5 ملیۆن مەتر سێجاس، کە کەێدە 36%ی ئەمبارەگە، کە یەیش بڕیگ فرە نییە، بەڵام لە ساڵ گوزەشتە و ساڵ وەرجەوە خوەی خاسترە.