بەغداد داوا لە کوردستان کورد رووژیگ ئەرا هەڵوژاردن دیاری بکەێد

وەی داواکردنە  پشتڕاستکردن خەوەر ئاژانس شەفەق نیوز تیەێد کە بڕیاریگ ئەرا دویاخستن هەڵوژاردن پەرلەمان کوردستان لەلایەن کۆمسیۆن هەڵوژاردن ئەرا ماوەیگ نادیار دەرچگە.

بڕیار بوی لە 10ی حوزەیران 2024 هەڵوژاردن وەڕیەو بچوود، وەگورەی فەرمان نێچیروان بارزانی، سەرۆک هەرێم کوردستان.

 لە نویسریای کۆمسیۆن کە کەفتە دەس ئاژانس شەفەق نیوز: “دەسنشانیگ ئەرا فەرمانیگ دەوڵەتی لەلایەن دادگای باڵای فیدراڵی لە دۆسیەی شمارە (126/فیدراڵی/2024) کە لەلایەن سەرۆک حکومەت هەرێم کوردستانەو توومار کریاس لە هەڵوێست خوەی لەبان کۆمسیۆنی باڵای سەروەخۆی هەڵوژاردن، و کاریگەرییەیل دەرئەنجام ئەو فەرمان دەوڵەتییە کە وەرجەیە باسی کردیمن، کە بریتییە لە وسانن ریکارە تەکنیکی و داراییەیل ئەرا هەڵوژاردن ساڵ 2024 ئەرا پەرلەمان هەرێم کوردستان، وەگورەی بڕیارنامەی دەسەی کۆمسیاران شمارە (1) لە خولیگ جیاواز (28) لە 5/7/2024، و دەرکردن بڕیار دەسەڵات دادوەری ئەرا هەڵوژاردن شمارە (355/ دەسەڵات دادوەری ئەرا هەڵوژاردن) / 2024 لە 5/20/2024، باوەتە داوا کەێد فەرمانیگ هەرێمی لە سەرۆکایەتی هەرێم کوردستانەو دەربکرێد کە مەوقەی نوویگ ئەرا هەڵوژاردن پەرلەمان هەرێم دیاری بکەێد، و کۆمسیۆن رووژ 9/5/2024 جویر مەوقەیگ ئەرا وەڕێوەبردن پرۆسەی هەڵوژاردن (دەنگدان گشتی) پێشنیار کەێد.

پیرەکە دووشەممە، سەرچەوەیگ ئاگادار ئەرا ئاژانس شەفەق نیوز وت« “کۆمسیۆن نەیسریاییگ فەرمی ئەرا حکومەت هەرێم کوردستان کلککردگە لەباوەت بە مەحاڵبوین ئەنجامدانی هەڵوژاردن پەرلەمان هەرێم لە مەوقەی دیاریکریاگ 10ی حوزەیران، داوا کردگە دوبابخرێد ئەرا رووژیگ ترەک لەلایەن حکومەت هەرێمەو”.