بەرزەوبوین تویشهاتنەیل کۆڕۆنا لەناو مناڵەیل سلێمانی
شەفەق نیوز/ دکتۆر پشدەر عەبدولڵا وەڕیەوبەر خەسەخانەی دکتۆر جەمال ئەحمەد رەشید ئەرا مناڵەیل لە سلێمانی، ئمڕوو پەنجشەممە، بەرزەوبوین رێژەی تویشهاتنەیل وە ڤایرۆس کۆرۆنا لەناو مناڵەیل راگەیان، و ئەو زگچین وهەڵاوردنە ک توومار کریانە، لەوەر تویشهاتن وەی پەتا هاتیە.
عەبدوڵلا لە کۆنگرەیگ رووژنامەوانی وت: کۆڕۆنا ڤایرۆسیگە ک وە درویژی سێ ساڵ جەهان توانای لەناوبردنی نەیاشت، وتیش: باوجی فرە لە خەڵک سلێمانی لەشیان وەرگری لەی ڤایرۆسە پەیا کرد وناسیەی، و هازی جویر جاران نەمەن، و وەرگری لەش توەنێد وەئاسانی لەنوای ئی ڤایرۆسە بووسێد.
و دووپات کرد ک تویشهاتنەیل سەختیگ لە دەیشت توانامان نییە، و هوشداری لە وەکارهاوردن دەرمان فرەیگ لەلایەن تویشهاتنەیل کۆڕۆنا کرد، چوینکە کاریگەریە خراوەگەی لە خود ڤایرۆسەگە سەختترە.
هەمیش هوشداری خەڵکەگە کرد لە خواردن شیرینی لەلایەن مناڵەیلیان، چوینکە زگچین وهەڵاوردن وهشکی دروس کەێد، ودیاری کرد ک تویشهاتنەیل ڤایرۆس کۆرۆنا لەناو مناڵەیل نشانەگەی زگچین وهەڵاوردن بوی.
