بەرزەبوین پلەی گەرمی "بی وینە" لە ئاوای وێزی باکوور قەزای جۆمان.. وینە
عەبدولڵا، خەڵگ ئاوای وێزی لە قسەیلی ئەرا ئاژانس شەفەق نیوز، سەرسوڕمان خوەی لە بەرزەبوین پلەی گەرمی تاوسان ئمساڵ نشان دا.
وت: پلەی گەرمی لە ناوەین ساعەت 12ی نیمەڕو تا 2 دویای نیمەڕو رەسیە نزیک 34 پلەی سەدی.
عەبدولڵا باس کرد کە ساڵەیل گوزەشتە ئاوایەگەی ئی ئاست گەرمیە وەخوەی نەیە.
لەلای خوەییش حسێن که جویر جفتیاریگ له ئاوایەگە کار کەێد، باس کاریگەری بەرزەبوین پلەی گەرمی لەبان کارەیل کشتوکاڵی تاوسانی ئمساڵ کرد.
وت: ئی بەرزی گەرمیە سەختی نوویگ ئەرا جفتیارەیل دروس کردیە بەڵام تاريف وەردەسبوین ئاو کرد لەوەر تاویان وەفر لە لویتکەی کویەیل دەورگرد ئاوایەگە، یەیش کاریگەری گەرمی فرەیگ لەبان کشتوکاڵی کەمەو کەێد.
ئی بەرزەبوین وەرچەوە لە پلەی گەرمی لە ئاوای وێزی نشانەس ئەرا ئاڵشتبوین کەشوهەوا، و بایەسە لایەنە پەیوەندیدارەیل ریکار و ستراتیژیایگ جیوەجی بکەن ئەرا گونجانن وەرد ئی رەوش نووە و مقیتبوین وەردەوامی کشتوکاڵ و ئاسایش خۆراک لە ناوچەگە.
