بەرزنجی: جوولەی ناوبەین هەرێم و شارەیل عراق وەردەوامە ئەراوە بایەدە هووشداری بوود
2021-02-14T09:50:56+00:00
شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو یەکشەممە، جەخت لەبان گرنکی وەجیهاوردن ریکارە تەندروسیەگان و کارە مقەیەتیەگان کرد، و هووشداری لە سای وەردەوامی جوولەی ناوبەین پارێزگایل هەرێم و ئەو شارەیل عراق ک دیرن هاتتەوەی بەرزەوبوین رێژەی تووشهاتنەگان کۆڕۆنا وەخوەیان دوینن.
بەرزنجی لە کۆنگرەیگ رۆژنامەوانی لەپشت کۆبونەوەیگ وەگەرد شاند رێکخراو un لە بارەگای وەزارەتەگە لە هەولێر وت: زیاتر لە سێ مەلیۆن دۆلار لەلایەن نەتەوە یەکگرتووەگان ئەرا هەرێم تەرخان کریا.
وتیش؛ سەردانەگەی ئمڕوو ئەرا دووپاتکردن لە وەردەوامی رێکخراوەگە لە پشتگیریکردنمان هات، و بردن ئامادەکاریەگان ئەرا نواگردن کۆڕونا یا هەر بیمارییگ تر، و دووپات کرد ک رێکخراوەگە باس ئامادەیی خوەی ئەرا ئەنجامدان کۆبونەوەیگ تر کرد ئەرا باسکردن لە رەوش تەندروسی لە کوردستان.
