بایدن و رەئیسی پەک هەرێم کوردستان لە هاوردەی بانزین لە ئیران خەن

شەفەق نیوز/ هەڤاڵ ئەبوبەکر پارێزگار سلێمانی،ئمڕوو شەممە، باس هووکارەیل کەمەوبۊین توانای هەرێم کوردستان و گشت عراق لە هاوردەی سوتەمەنی لە ئیران کرد، ک لەوەر گلەوخواردن ئیران ئەرا بۆرسەی جیهانی لە فرووشتن سوتەمەنی دۊیای وەرگردن دەسەڵاتەگە لەلایەن جۆ بایدن هات. 

ئەبوبەکر ئەرا رووژنامەوانەیلە وت: حکومەت فیدراڵی پەیمان دا لە یەکەم رووژ لە مانگەو، یەک بەرمیل نەفت چەرمگ بەێدە هەر ماڵیگ لە هەرێم کوردستان باوجی تا ئیسە ئەوە وەجی نەهاتگە، وتیش: حکومەت یەک مەلیۆن و ٥٠٠ هەزار لەتر  نەفت چەرمگ رەوانەی سلێمانی کردگە، و ئەوەسا وەینزیکە دەسکەێمنە بەشەوکردنی لەبان ماڵەیلە، و ئومید خوازیمن حکومەت فیدراڵی پەیمان خوەی وەجی بارێد و ئەو بڕەیل نەفت کل بکەێد.

لەباوەت نرخ بانزین،  ئەبوبەکر وت: سەرچەوەی هاوردەی بانزین ئەرا هەرێم کوردستان خوەی کۆمار ئیسلامی ئێرانە لە پلەی یەکەم، باوجی رەوشەیل سیاسی ک دۊیای هاتن جۆ بایدن سەرۆک ئەمریکا و ئیبراهیم رەئیسی سەرۆک ئیران هیشت ئیران بتۊینێد سوتەمەنی لە بۆرسەی جیهانی بفرووشێد، ک نرخەیلە گرانەوە کردن و لە توانای بازاڕەیل عراق ئەرا سەنینی بەرزترەو بۊیم