بانگه‌واز دريا بارزانى وعبادى بڕه‌سنه هاناى ئێزيديه‌يل له كاره‌سات تازه‌يگ
چه‌ودير عراقى ئه‌را مافه‌يل ئاده‌ميزاد له به‌ياننامه‌يگ ئه‌را(شه‌فه‌ق نيوز)داوا له مه‌سعود بارزانى سه‌رۆك هه‌رێم كوردستان و حه‌يده‌ر عبادى سه‌رۆك وه‌زيره‌يل عراقى و حكومه‌ت هه‌رێم و په‌رله‌مان و وه‌زير كووچ وكووچبه‌ره‌يل و ريكخرياگه‌يل ناوده‌وڵه‌تى و مافه‌يل ئاده‌ميزاد كرد ده‌خاڵه‌ت گورج بكه‌ن و چاره‌سه‌ريگ بويننه‌و ئه‌را ئى كارساته وه‌رجه كه‌فتنه‌وه‌ى كاره‌سات تازه‌يگ ده‌رهه‌ق پيكهاته‌ى ئێزيديه‌يل.
به‌ياننامه‌گه باس له‌وه ئه‌كا ك كاره‌ساتيگ تازه‌ى ئنسانى چه‌وه‌ڕى ئێزيديه‌يل ئه‌كا له توركيا له وه‌خت كووچكردنيان ئه‌را بوڵغارياو داوا له‌و لايه‌نه‌يل ناوبرياگه ئه‌كا وه‌گووره‌ى توانا ده‌سميه‌تيان بيه‌ن، چوينكه سوپاى توركى ده‌سدريژى ئه‌كه‌نه بان ئێزيديه‌يل له مناڵ و ژن و پير و نه‌خوه‌ش له‌بان مه‌رزه‌يل توركى و ئاماژه وه‌يه‌يش كرد ك كووچكردن وه‌جه‌ميگ ئێزيديه‌يل ده‌س وه‌پيكردگه له كه‌مپ دياربه‌كر له توركياو خه‌ريك ريكردنن وه‌پا و حكومه‌ت توركييش نواگيرى له‌ليان ئه‌كاو هه‌وڵ گله‌وداينيان ئه‌ياد.
ج . أ
