بازاڕەیل جی ناوماڵە لە سلێمانی.. نرخەیل کەمکریاگ و کڕیار کەم
شەفەق نیوز/ خاوەن دوکانەیل جی ناوماڵە لە شار سلێمانی، چەوەڕی وەرز زمسان کەن تا بازاڕەیلیان گەرمەو بوود، دویای چەوەڕی تەواوبوین ئەو مانگەیل گەرمە ک جیەگان لە ماڵەگان هەڵکریەن.
لە وەرز زمسان هاووڵاتی دەسکەێدە حی ناوماڵە سەنین ئەرا گردەوکردن ماڵەیلیان، و بازرگانەیل قالی و جیەگان وەیەوە دڵخوەشەو بوون، بەڵکم قەیرانە ئابووری و داراییەگان ئەمساڵ و دیرکەفتن مووچەگان هیشت بازاڕەیلیان سەردەو بوون و کڕیارەگان واز لە قالی سەنین هاوردن، هەرچەن نرخەیلیان داوەزیان.
شیروان محمد، یەکیگە لە خاوەن دوکانەیل جی ناوماڵە ئووشێد: بازەرەیلمان لەوەر قەیران دارایی و دیرکەفتن خەرج مووچەگان وسیان.
محمد هەمیش ئووشێد؛ هاووڵاتیەگە پویل نەیرێد تا ڤالی نوو ئەرا ماڵەگەی بسینێد، و مەنە بان جیە کۆنەگانی تا ئەوەنە قەیرانەگە تەواو بوود.
وتیش؛ ئەوسا رووژانە ٥٠ چین لە جیەیل ناوماڵە فرووشتیایمن، وەلی ئیسە لە ١٠ جی زیاتر نیە، هەرچەن هەوڵ دەیمن وە کەمەوکردن نرخەگان هان مەردم ئەرا سەنین بەیمن.
کاوە سەیفەدین یەکیگ لە دوکانە گەوراگان جی فرووشتن وەڕیەو بەێد، ئەرا ئاژانس شەفەق نیوز ئووشێد؛ فرەی کڕیارەگانمان مینەی جیەیل ئەرزان کەن، و بەشیگیان تەنیا ئەو جیەیلە سینێد ک وە گرنگ ئەرا خوازین ئی رووژەیلە زانێدەی، و فرە تەقەلا ئەرا نرخیگ کەمتر دەێد، ک ئەوە بەڵگەس لەبان رەوش دارایی خراو لەلای هاووڵاتییەگان.
سەیفەدین هەمیش ئووشێد: رێژەی فرووشتنەگە وەگورەی ساڵ گوزەیشتە زیاتر لە ٧٠ لەسەد داوەزیا، ک بویە زەرەد ئەرامان، ک جیەگان هەر ساڵیگ مۆدەیلیان ئاڵشت بوود، و ئەوەگ لە ئەمار مەنیەسەو کەمتر لە نیم ئەرزش خوەی فرووشیەێد.
