بارزانی وەبۆنی جەژن ئەیزیدیەیلە جەخت لەبان جیوەجیکردن گشت داواکارییان کەێد
شەفەق نيوز/ مەسعود بارزانی سەرکرەدەی کورد، ئمڕوو چوارشەممە، پیرووزبایی لە ئەیزیدیەیل عراق و جیهان کرد وە بۆنەی جەژن جمايى ئەیزیدیەی، و دووپات لە پشتگیریکردن و پاڵپشتیی ئەرا گشت داواکارییەیلیان کرد.
لە پەیامەگەی بارزانی ک رەسیە ئاژانس شەفەق نیوز وت: وە بۆنەی جەژن جمایی تایبەت وە ئەیزیدیەیلە پیرۆزبایی لە شاە ئەیزیدیەیلە وبابا شێخ و ئەنجومەن رووحانی ئاین ئەیزیدیەی و گشت ئەیزیدیەیلە لە کوردستان و جهان کەێد.
بارزانی لە پەیامەگەی وتیش: ئەیزیدیەیلە لە ساڵەیل گوزەیشتە لەوەر ستەم و تاوانەیل تیرۆریستەیلە و دوژمنەیل گەل کوردستان کەفتنە وەر زیان گەورەیلیگ، وتیش؛ دووارە دووپات کەێد ک خوەی پشتگیری و پاڵپشتی ئەیزیدیەیلە و داوایل خوەشک وبرا ئەیزیدیەیلە وە گشت توانایلە کەێد.
بارزانی جەخت لە گرنگی لەناوبردن گشت ریگریەیلە و هووکارەیل نواگردن دووارە گونجانن ژیان ئەیزیدیەیلە وەتایبەت لە ناوچەی شەنگال کرد، و بایەتە زەخمەیلیان تیمار بکریەێد و وەشیوەیگ ئازاد باس رای خوەیان لە چارەنۊسیان بکەن.
بارزانی وتیش؛ وەی ب٩نە، جەخت لە گرنگی بتەوکردن کەلتوور پێکەوەژیان لە کوردستان بکریەێد، و ئومید خوازێد ک ئەیزیدیەیلە لەسای ئارامی و خوەشهاڵی جەژنەیلیان بوەنە سەر.
