بارزانی چەودیری کارەگە لە پڕۆژەی ری هەولێر- دهۆک کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، چەودیری پڕۆژەی دروسکردن ریە زویەنە دووانیەگە کرد لەناوبەین هەولێر-کەرکوک (کۆبال).
بەیاننامەیگ لە حکومەت هەرێم وت: بارزانی چەودیری کارەگان کرد و لەنزیکەو گووشگردە باسکردن کادرەیل جیوەجیکەر پڕۆژەگە، ک یەکیگە لە پڕۆژە ستڕاتیژیەگان، و ئاسانکاری ئەرا گواستنەوەی ناوبەین هەولێر و دهۆک کەێد، وهووکاربوود لە بتەوکردن جوولەی بازرگانی لەناوبەین هەرێم کوردستان وتورکیا.
کۆمپانیاگە وەگورەی پەیمانەیل جهانی پڕۆژەگە جیوەجیکەێد وەبوودجەی بایی ١٥٧ مەلیۆن دۆلار، وئیسە هالە قۆناغەیل کۆتایی تا وەرجە کۆتایی ئی ساڵە بکریەێدەو.
دویای ئەوە سەرۆک حکومەت چەودیری پڕۆژەی ری ١٥٠ مەتریەگە لە هەولێر کرد، وچەودیری لە یەکەم قۆناغ پڕۆژەگە کرد ک دریژیی رەسێدە ١٠ کێلومەتر، وئیسە هالە قۆناغە کۆتاییەگانی، وبایی ١٣١ مەلیۆن دۆلار ئەرای تەرخان کریاگە.
سەرۆک حکومەت تاریف تەقەلاگان کۆمپانیاگە کرد ک ئی پڕۆژە جیوەجی کەێد، وباس خوەشحاڵی خوەی کرد ک کارکەرەگان ناوخۆیین، ولە کۆمپانیایل هەرێم کوردستانن، ک پڕۆژە گرنگ وستڕاتیژەگان جیوەجیکەن.
ئاماژەیش دا ک دروسکردن بینا ژیرزەمینی و ئابووری و گەشەپیدان ری و گواستنەوە لە هەرێم کوردستان، لە ئەرکە سەرەکیەگانە ئەرا کابینە وەزارەتیە نۆوەمەگە لە حکومەت کوردستان
