بارزانی پێشوازی لە سەردانەگەی پاپا کەێد و پاپا وەپی ئووشێد: کوردستان بویە ماڵیگ ئەرا مەسیحیەکان
شەفەق نیوز/ مەسعود بارزانی سەرکردەی کورد سەرۆک پارت دیموکرات کوردستان، ئمڕوو یەکشەممە، باس لە پێشوازی گەرمی لە سەردانەگەی پاپای ڤاتیکان ئەرا شار هەولێر پایتەخت هەرێم کوردستان کرد.
بارزانی لە بان ماڵپەڕ تویتەر نووسان: سەردانەگەی پاپا ئەرا عراق و هەرێم کوردستان، وەڕاسی سەردانیگ مێژوویە، و پەیام پاکیک ئەرا پێکەوەژیان هەڵگرێد.
سەرکردەی کورد لە هۆڵ گەورا کەسایەتیەکان لە فڕۆکەخانەی هەولێر چەوی کەفتە پاپا.
پاپا لە دیدار سەرکردەی کورد سوپاسی کرد ئەرا باوەشکردن گەل و هەرێم کوردستان وە مەسیحیەکان لە وەخت داگیرکردن ناوچەیل فراوانیگ لە عراق لەلایەن داعش لە ناوڕاس ساڵ ٢٠١٤ .
وتیش سوپاس ئیوە کەم ئەرا مقەیەتیکردن گشت پێکهاتەکان، وتیش؛ کوردستان بویە ماڵیگ و ماوایگ ئەرا مەسیحیەکان.
لەلای خوەییش بارزانی وت: شانازی وە کەلتوور پێکەوەژیان لە هەرێم کوردستان کەیمن، ووەناو گشت پێکهاتەیل لە هەرێم پێشوازی لە قەداسەت ئیوە کەم.
