بارزانی سه‌ره‌خوه‌شی له بایدن ئه‌كا
2015-06-01T12:47:07+00:00
وه‌گوره‌ێ به‌یاننامه‌ێ سه‌روكاێه‌تی هه‌رێم كوردستان ، وه‌فد پایه به‌رزێگ پێك هاتگ له سه‌روك دیوان سه‌روكاێه‌تی هه‌ریم كوردستان فوئاد حوسین و وه‌رپرس نوێسینگه‌ێ په‌یوه‌ندیه خارجیه‌گان حكومه‌ت هه‌ریم كوردستان فه‌لاح مسته‌فا وه‌نوێنه‌رایه‌تی له سه‌روك بارزانی سه‌ردان قونسولیه‌ێ گشتێ ئه‌مریكا له هه‌رێم كردكه ، ئه‌ڕا پێشكه‌ش كردن پرسه و سه‌ره‌خوه‌شی سه‌روكایه‌تی هه‌ریم وه جوزیف بایدن جیگر سه‌روك ئه‌مریكا وه‌بوونه‌ێ له ده‌س داین كوڕه‌گه‌ێ (بو).
زیاتر ڕاگه‌یاندگه ، وه‌فده‌گه له لاێه‌ن قونسوڵ گشتێ ئه‌مریكا له هه‌رێم جوزیف بینیكتین و چه‌ن كاروه‌ده‌سێگ قونسولیه‌گه پێشوازی كریاگه.
به‌یاننامه‌گه‌ێ سه‌روكایه‌تی هه‌ریم وه‌یه‌یش ئاماژه كردگه ، سه‌روك دیوان سه‌روكاێه‌تی هه‌رێم وه‌ناو سه‌روك هه‌رێمه‌وه و له ڕێ قونسولیه‌گه‌وه سه‌ره‌خوه‌شی له جێگر سه‌روك ئه‌مریكا كردگه و ستایش نه‌خشێ له پشتگیری كردن ئه‌زمون سیاسی له هه‌ریم كوردستان كردگه.
به‌یاننامه‌گه باس ئه‌وه‌یش كردگه ك قونسول ئه‌مریكا له هه‌رێم له سه‌روك هه‌ریم كوردستان و سه‌روك حكومه‌ت سوپاسگوزاری كردگه وه‌خاتر ده‌ربڕین هه‌ست و سوز خوه‌یان و له بان یه‌یش ته‌ئكید كردگه ك په‌یامه‌گه‌ی سه‌روكایه‌تی هه‌ریم ئه‌ڕه‌سنێگه واشنتون.
به‌یاننامه‌گه باس ئه‌وه‌یش كردگه ك قونسول ئه‌مریكا له هه‌مان وه‌خت له بان زه‌روره‌ت بته‌و كردن په‌یوه‌ندی دوسانه له ناونی ئه‌مریكا و هه‌ریم كوردستان ته‌ئكید كردگه.
جێگر سه‌روك ئه‌مریكا جو بایدن دوێه‌گه خه‌وه‌ر كوچ دویایی كوڕه گه‌وراگه‌ێ (بو بایدن) بڵاو كرده‌و ك وه نه‌خوه‌شی سه‌ره‌تان مه‌غز گیان سپاردگه.
بو بایدن ماوه‌ێ هه‌یشت ساڵ پوست سه‌روك ده‌زگاێ قه‌زایی ولاێًه‌ت دیلاویر وه‌ده‌سه‌و داشتگه و دوێاخر له نوێسینگه‌یگ پارێزه‌ری له ساڵ 2015 كار كردگه.
بو ماوه‌ێ یه‌كساڵ له ڕز هێزه‌یل پاسه‌وانی نیشتمانی ولایه‌ت دیلاویر له عراق خزمه‌ت كردگه
ج ك
