بارزانی: ترۆر دژ نه‌ريته‌يل ئنسانيه‌و ده‌س له‌ژيان وپيشكه‌فتن وئاشتی وه‌شنێد

بارزانی له‌ به‌رقيه‌يگ ئه‌را فرانسوا هولاند سه‌رۆك فره‌نسی ك(شه‌فه‌ق نيوز)ئاگاداری بوی، وه‌ناو خوه‌ی ملله‌ت كوردستانه‌و پرسه‌و سه‌ره‌خوه‌شی خوه‌ی پيشكه‌ش كرده‌ سه‌رۆك و ملله‌ت فره‌نساو وت: ترۆر دوشمن هاوبه‌ش گشت لايگه‌و ترۆرسته‌يليش دژ نه‌ريته‌يل ئنسانی و ده‌س له‌ ژيان و پيشكه‌فتن و ئاشتی وه‌شنن.

جی باسه‌، بارزانی له‌ هه‌مان وه‌خت پرسه‌و سه‌ره‌خوه‌شی خوه‌ی و ملله‌ت كوردستان ئاراسته‌ی كه‌س و كار قوربانيه‌يل ئه‌و ته‌قينه‌وه‌ كرد و ئوميد شفای گورجيش كرد ئه‌را زه‌خمداره‌يل.