بارزانى و شه‌هرستانى باس په‌يوه‌نديه‌يل ناونى هه‌ولێر و به‌غدا كردن
2015-09-28T12:05:38+00:00
له‌به‌ياننامه‌ى سه‌رۆكايه‌تى حكومه‌ت هه‌رێم ئه‌را(شه‌فه‌ق نيوز)ئه‌وه ده‌ركه‌فت ك بارزانى له ديدارى وه‌ل شه‌هرستانى له هه‌ولێر پايته‌خت هه‌رێم كوردستان باس له رويداگه‌يل ئيسه‌ى سياسى و سه‌ربازى و ئاسايشى كردگه وه‌ل په‌يوه‌نديه‌يل ناونى هه‌ردوگلا و بار ئابوورى و دارايى له عراق.
به‌ياننامه‌گه يه‌يش ده‌رخست ك بارزانى له‌و ديداره باس له جه‌نگ دژ ريكخرياگ ترۆريستى داعشيش كردگه له هه‌رێم كوردستان ك چوين شكه‌ست خواردگه له‌وه‌رده‌م سه‌ركه‌فتنه‌يل پێشمه‌رگه‌ى كوردستان.
جى باسه، هه‌مان به‌ياننامه باس له‌وه‌يش كرد ك فوئاد حسێن سه‌رۆك ديوان سه‌رۆكايه‌تى هه‌رێم كوردستانيش به‌شدارى ئه‌و دانيشتنه كردگه.
