بارزانى: خاسترين چاره‌سه‌ر ئه‌وه‌سه‌ وه‌ل به‌غدا بويمنه‌ دو هاوسای خاس

له‌ به‌ياننامه‌ی ئه‌نجومه‌ن ناوبرياگ ئه‌را(شه‌فه‌ق نيوز)ئه‌وه‌ ده‌ركه‌فت ك مه‌سرور بارزانی له‌ ديداری وه‌ل سيسيل بريی باڵوێز نه‌رويجی له‌ ئوردن و عراق باس له‌ سه‌ركه‌فتنه‌يل پێشمه‌رگه‌ كردگه‌ له‌ په‌لاماره‌يل ئازادكردن شه‌نگاڵ له‌ به‌ره‌يل جه‌نگ و پاكه‌وكردن شوونه‌يل فريه‌يگ له‌و ريكخرياگ ترۆريستيه‌.

به‌ياننامه‌گه‌ ئاماژه‌ وه‌يه‌يش كرد ك بارزانی له‌و ديداره‌ باس له‌وه‌ كردگه‌ ك چاره‌سه‌ر كيشه‌يل عراق هه‌وه‌جه‌ وه‌ له‌يه‌كه‌وداين هووكاره‌يل راسكانی ديرێد و جه‌خت له‌وه‌يش كردگه‌ و وتگه‌ خاسترين چاره‌سه‌ر ئه‌را كيشه‌ی ناونی هه‌ولێر و به‌غدا ئه‌وه‌سه‌ بويمنه‌ دو هاوسای خاس يه‌كتری.