بارزانى: به‌شدارى توركيا دژ داعش نه‌بايه‌د بدێده‌ به‌هاى په‌لامارداين لايه‌نه‌يل كوردستانى

له‌ به‌ياننامه‌ى سه‌رۆكايه‌تى هه‌رێم كوردستان ك(شه‌فه‌ق نيوز)ئاگادارى بوى، له‌و ديداره‌ ئيكهارد بروس باڵوێز ئه‌ڵمانيا له‌ عراق سوپاسگوزارى له‌ ملله‌ت و حكومه‌ت هه‌رێم كرد وه‌خاتر ڕيداين وه‌ سه‌دان هه‌زار كوچبه‌ر و په‌نابه‌ر و يه‌يش ده‌رخست ك وڵاته‌گه‌ى وه‌رده‌وامه‌ له‌ هه‌وڵ هاوردنه‌وه‌ى ئه‌و كوچبه‌ره‌يله‌ ئه‌را ناوچه‌يل ئازادكرياگيان.

له‌لايه‌ن خوه‌ييشه‌و بارزانى ده‌سخوه‌شى له‌و ده‌سميه‌ته‌يل ئه‌ڵمانيه‌ كرد له‌ وه‌رانوه‌ر كوچبه‌ره‌يل و پشتگيرى پێشمه‌رگه‌و له‌ هه‌مان وه‌خت له‌باوه‌ت بار توركيايش ئاماژه‌ وه‌ ئه‌وه‌يش كرد و وت: نه‌بايه‌د به‌شدارى توركيا دژ داعش بدێده‌ به‌هاى په‌لامارداين لايه‌نه‌يل كوردستانى له‌ توركياو سوريا.