ئاگر گەورەیگ لە کویەی گۆیژە لە سلێمانی

سەرچەوەگە ئەرا ئاژانس شەفەق نیوز وت: ئاگر گەورەیگ لە ساعەت 3:15  شەفەق ئمڕوو، لە کویەی گۆیژە لە سلێمانی هیز گرد، و بویە هوکار زەرەدەیل گەورەیگ.

وتیش: تا ئیسە هووکار رویداوەگە  نادیارە، هەرچەنە تیم وەرگیری شارستانی وە گروپیگ گەورە رەسینەس ئەرا کپەوکردن ئاگرەگە، دووپاتکرد شەپوول وای تونیگ کە سلێمانی گردیەسەوەر  بویەسە هووکار بڵاوبوینەوەی ئاگرەگە وە خێرایی.

لەی ساڵەیل کۆتاییە، لە وەرز تاوسان کویەی گوێژە شمارەیگ ئاگر وەخوەی دوینێد، هەمیش لە 28 ئایار ئمساڵ، ئاگر لەبەشیگ کویەگە هیزگرد، بویە هووکار سزیان شمارەی فرەیگ لە درەختەیل.