ئاگر کەفێدە ناو مەکتەویگ لە خانەقین
![ئاگر کەفێدە ناو مەکتەویگ لە خانەقین](https://media.shafaq.com/media/arcella/1652866027374.jpg)
2022-05-18T09:28:24+00:00
شەفەق نیوز/ سەرچەوەیگ لە قەزای خانەقین، ئمڕوو چوارشەممە، خەوەردا لە هیزگردن ئاگریگ لەناو مەکتەویگ لە شارگە.
سەرچەوەگە ئەرا ئاژانس شەفەق نیوز وت: ئاگرەگە لەناو ژوور مامووستایل و وەڕیەوبەر مەکتەو ئەركەوازی هیزگرد، ک خوەنستن لەو مەکتەوە وە زوان کوردیە، و زەرەد دارایی لەلی بویەو.
سەرچەوەگە وتیش: ئاگرەگە کپەو کریا، وەبی تووماکردن زەخمداری، وتیش؛ ئەو ئاگرە لەوەر شۆرتیگ کارەبایی بویە.