پەیاکردن تەرم ژن وپیاویگ لە هەولێر

شەفەق نیوز/ سەرچەوەیگ ناوخوەیی، ئمڕوو جومعە، خەوەردا لە پەیاکردن تەرم ژن و پیاویگ لە کۆمەڵگای شاوەیس لە هەولێر.  

سەرچەوەگە وە ئاژانس شەفەق نیوز خەوەردا " دویای نیمەروی ئمڕوو تەرم ژن و پیاویگ کوشیای لەناو ماڵ خوەیان لە کۆمەڵگای شاوەیس پەیاکریایە". 

وتیش، لەدویای پەیاکردن تەرمەگە ئەرا پزیشک دادوەری لە هەولێر کلکریانە ئەرا توێکاری و زانستن هووکار مردنیان. 

لەباوەت هووکار کوشتنەگە سەرچەوەگە وت، دوو ئەگەر هەس یەکیگیان لەوەر گرفیگ کۆمەڵایەتی، و دویەم کوشتنیان لە دویای پەلامارداین ماڵەگەیان ئەرا دزیکردن وەلایەن کەسەیل نەناسریایگ.