پیاویگ لە هەولێر وەگولە زەخمدار ژنەگەی کەێد

شەفەق نیوز/ وەڕێەوبەرایەتی پۆلیس پارێزگای هەولێر، ئمڕوو یەکشەممە، دەسگیرکردن کابرایگ راگەیان تەقە لەماڵ باوان ژنەگەی لە ناوڕاس شارەگە کردیە.  

هۆکەر عەزیز قسەکەر پۆلیس هەولێر لە وتاریگ رووژنامەوانی وت: کابرایگ تەقە لە ماڵ باوان ژنەگەی لە گەڕەک "شۆڕش" ناوڕاس هەولێر کردگە، وتیش: پەلامارەگە بویە هووکار زەخمداری ژنەگەی و برای ژنەگەی.    

عەزیز وتیش: ئەو رویداوە لەوەر ناکۆکییگ کۆمەڵایەتی بویە، و کەفێدە خانەی تونوتیژی لەبان ژن، و باس دەرچگن یاداشت دەسگیرکردن لەبان ئەو پیاوە کرد وەگورەی مادەی ٤٠٥ لە یاسای سزادان عراقی.   

قسەکەر پۆلیس وتیش: دویەشەو ئەو توومەتبارە دەسگیر کریا،  و هەواڵەی لایەنەیل پەیوەندیدار کریا تا ریکارەیل یاسای لەبانی جیوەجی بکەن.