گامەیل نوویگ ئەرا رووشنکردن جادەیل سلێمانی و لاوردن کابڵەیل هەڕەمەکی
شەفەق نیوز/ ئیدارەی کارەبای سلێمانی، ئمڕوو دووشەممە، دەسکردن یەکەم گامەیلی لە پڕۆژەی رووشنکردن شارەگە و دابینکردن کارەبا ئەرا ماوەی 24 ساعەت لە رووژیگ راگەیان، ئەوەیش وەگەرد دەسکردن وە هەڵمەت لاوردن کابڵەیل هەڕەمەکی هن مولیدەیل گەڕەکەیل لەناو بازاڕەیل.
سیروان محمد قسەکەر وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: یەکەم گام لە پڕۆژەی رووشنکردن سلێمانی دویەکە دەسوەپی کرد، کە زوور خەێدە بان خاسەوکردن تووڕ کارەبا و دابینکردن کارەبا ئەرا گشت وەختەگە.
وتیش: یەکەم گام خاسەوکردن گشت کلکەرەیل و محویلەیل کارەبا گرێدەو، و چارەکردن ئەو گیچەڵەیل تەکنیکیە کە ریگری لە کاری کەن، وتیش: دویای تەواوبوین ئی گامە، کارەبا ئەرا ماڵەیل رەسیەێد، کە ساعەتەیل وەکارخستن نەوڕیەن.
لەباوت ئی گامەگەی ترەک، دیاری کرد کە دەسەڵاتەیل دەسکردنە هەڵمەت لاوردن کابڵەیل هەڕەمەکی هن مولیدەیل کارەبای تایبەت لەناو بازاڕەیل، کە گیچەڵ نووڕین و ریگریی لە خاسەوکردن تووڕەیل دروس کەن، و دووپات کرد کە ئی کابڵەیلە گردەو کریەن، و خریەنە ناو ئەمارەیل.
محمد دووپات کرد کە پارەکە نزیکەی ١٨ مولیدەی کارەبا وەشیوەی ناڕێک لەناو بازاڕەیل کار کردیان، کە کارەبا ئەرا نزیکەی ١٣ تا ١٦ هەزار کەس وە سیستەم ٢٤ ساعەت رەسیاد وە پویلداین لە وەرەو، وتیش: وەرجەیە ئی مولیدەیلە لاوریان، وەلێ کابڵەیل مەنن، کە ئیرنگە لاوریەن.
ئی پڕۆژەگە لە تەقەلایل خاسەوکردن خزمەتەیل کارەبا تیەن لە سلێمانی، وەگەرد چەوڕی خەڵکەگە کە ئی گامەیلە دەسمیەتی بیەن لە بەرزکردن ئارامی کارەبا و کەمەوکردن گیچەڵەیل لە تووڕەیل شارەگە.
