ئامار.. کوشیان ٢٠ کەس وە زیاتر لە ١٠٠٠ رویداو ئاگر و خنکیان لە هەولێر
2025-01-04T09:29:23+00:00
شەفەق نیوز/ وەڕیەوبەرایەتی وەرگری شارستانی لە پارێزگای هەولێر پایتەخت هەرێم کوردستان، ئمڕوو شەممە، ئامار رویداوەیل ئاگر و خنکیان لە ساڵ 2024 راگەیان.
وەگورەی ئەو ئامارە کە رەسیە ئاژانس شەفەق نیوز؛ پارێزگای هەولێر 1223 رویداو ئاگر لەماوەی ساڵ گوزەشتە توومار کردگە، لە ئاگر ماڵەیل و هوتێلەیل و ماشینەیل.
دیاری کرد کە رویداوەیل ئاگر و خنکیان بوینەسە هوکار کوشیان 20 و زەخمداری 74 کەس، بیجگە رزگارکردن 29 کەس لە سزیان و خنکیان.
لە ماوەی چەن ساڵ گوزەشتە، هەولێر ئاگرەیل گەورەیگ لەناو چەن بازاڕیگ میللیی توومار کرد، بەشیگیان وە دەسی کەسەیلیگ بوی، کە زەرەدەیل گەورەیگ رەسانن وە مەلیۆنا دۆلار مەزەنە کریەن.
