چالاکوانەیلیگ ئیرانی ئەرا هەرێم کوردستان واینە داوای پەنابەری مرۆیی لە نەتەوە یەکگرتگەیل کەن
چالاکوان ئیرانی رزگار رەحمان بەرزنجی لە کۆنگرەیگ رووژنامەوانی لە وەردەم بارەگای نەتەوە یەکگرتگەیل لە سلێمانی و ئاژانس شەفەق نیوز ئامادەی بوی وت: رەوش چالاکوانەیل مەدەنی وەتایبەت ئەوانەگ لە ناڕەزایەتیەیل ئیران بەشداری کردنە ها ژیر رخ گەورەیگ.
وتیش: ئیمە ئیرنگە داوا لە نەتەوە یەکگرتگەیل کردیمن پەنابەری مرۆیی وەپیمان بەێد، و ئومید خوازیمن داوامان رەت نەکریەێد چوینکە ئەگەر ئەرا ئیران گلەو بخوەیمن کەفیمنە وەر مردن.
وتیش: دەیان لە چالاکوانەیل کورد لە کوشتن و بڕین دەسەڵات ئیرانی واینە و داوا لە نەتەوە یەکگرتگەیل کرد پەنابەری مرۆیی وەپییان بەێد
لە ١٦ی ئەیلوول ٢٠٢٢ تا ئیسە، ئیران ناڕەزایەتیەیل جەماوەری فراوانیگ لە فرەی شارەیلی وەخوەی دوینێد لە پشت کوشتن ژینا ئەمینی ٢٢ ساڵان وەدەس پولیس ئەخلاق.
سەدان لە مەدەنیەیل و ئەندامەیل ئەمنی لەناو ناڕەزایەتیەیل دژوە رژیم ئیران کوشیانە و دەیانیش دەسگیر کریانە.
