ئاسایش هەولێر چوار کەس لە هەولێر وە مادەیل هۊشبەر دەسگیر کەێد

شەفەق نیوز/ وەڕێەوبەرایەتی ئاسایش گشتی هەولێر، ئمڕوو چوارشەممە، راگەیان گروپیگ قاچاخچی دەسگیر کردنە ک چوار کێلوگرام "تلیاک" وەپیان بۊیە.   

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: "دۊای وەدۊاچگن هۊرد وەلایەن ئەفسەرەیل سەنتەری کۆنترۆلکردن ماددەیل هوشبەر لە مەرز ناودەوڵەتی حاجی عومران لە وەڕێەوبەرایەتی گشتی کۆنتڕۆڵکردن ماددە هوشبەرەیل، ناوەندەگە لە ناحیەی سوران توەنستن دەسبگرنە بان ٤ کیلۆ گرام تریاک و دەسگیرکردن سێ کەس.

لە بەیاننامە وتیش، ناوەندەگە تۊنستیە دۊای چەودێری هۊرد دانان تەڵە دەسبگرن وەبان بڕیگ لە مادەی هۊشبەر کریستال دۊای ئەوەگ ک ناو شتومەک شاردۊنەی و کەسیگ ئیرانی دەسگیر کریا ک ئەو مادەیلە هەڵگردۊد. 

وەگورەی بەیاننامەگە تاوانبارە ئیرانیەگە خوازیە ئەرا ئوسترالیا کلی بکەێد لە رێ کۆمپانیایەیل هەناردن ئاسمانی.