ئاسایش سلێمانی تیرۆرست رخبەریگ گرێد

2023-01-25T12:38:12.000000Z

شەفەق نیوز/ وەڕیەوبەرایەتی ئاسایش خوەرائاوای سلێمانی، ئمڕوو چوارشەممە، دەسگیرکردن تیرۆرستیگ راگەیان لە تاوانەیل دژوە مرۆیی لە ناوچەیلیگ جیاجیا بەشداری کردیە، زاقتریان ئامرلی و سەلمان پاک بوبە، وەرجەیەگ لە ناوچەی وەرپرسایەتی ئاسایش بواێد.

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: هیزەیلمان و هاوکاری وەگەرد ئاسایش سلێمانی، تیرۆرستیگ دەسگیر کردن لە چەن تاوانیگ دژوە مرۆیی بەشداری کردیە.

وتیش: ئەو تیرۆرستە وەناو (ع. ق. م)  لە ساڵ ٢٠١٤ چیەسە ناو ریخریاگ داعش و لایەنگری تیرۆرست موسعەب مەحمود عەبدولعەزیز کردگە، و بەشداری لە کوشتن بڕیگ هاووڵاتی لە ناوچەیل ئامرلی و سەلمان پاک کردیە.

 بەیاننامەگە دیاری کرد ک لە ساڵ ٢٠١٨ ئەو تیرۆرستە لە نزیک سنوور کفری - دووزخورماتوو بویە، و لە شەو 18/19ی کانون دویەم ٢٠٢٣ هاتیەسە ناو سنوور وەڕیەوبەرایەتی ئیمە، و مەفرەزەیل ئاسایش وەرجە چەن ساعەتیگ لە تەقەلای وایینی وەرەو دەیشت ناوچەیل وەرپرسیمان لە خود شەوەگە دەسگیری کردن. 

Shafaq Live
Shafaq Live