کازمی پەیمان دەێدە نێچیرڤان بارزانی وە مەرەقەزکردن شایستە داراییەگان ئەرا چینیگ لە هەرێم کوردستان
شەفەق نیوز/ دەسەی کشتوکاڵی و ئاو لە پەرلەمان هەرێم کوردستان، ئمڕوو جمعە، راگەیان موستەفا کازمی سەرۆک وەزیران پەیمان داگە نێچیرڤان بارزانی سەرۆک هەرێم کوردستان وە خەرجکردن شایستە داراییەگان کشاورزەیل کوردستان ئەرا ساڵەیل (٢٠١٤-٢٠١٦ ).
شوان زەراری جیگر وەرپرس دەسەگە لەبەیاننامەیگ رەسیە ئاژانس شەفەق نیوز وت: لە رووژیگ وەرجە سەردان سەرۆک هەرێم کوردستان ئەرا بەغداد، داوا لەلی کردیمن شایستەیل کشاورزەیل بخەێدە بەڕنامەی سەردانەگەی لە دیدار وەرپرسە گەوراگان عراق، و باس ئی باوەتە وەگشتی و وەووردەکاری بکریەێد.
ودیاریکرد ک نووسینگەی سەرۆک هەرێم پەیوەندی وەپی کرد وخەوەرداپی ک نێچیرڤان بارزانی باس شایستە داراییەگان جفتیارەیل کردگە وەگەرد موستەفا کازمی ئەرا ساڵەیل ٢٠١٤-٢٠١٥-٢٠١٦ ، وئاماژەدا ک سەرۆک وەزیران پەیمان دا وە پەیاکردن چارەسەرییگ یەکجاری ئەرا شایستە دارایی جفتیارەگان وەماوەی نزیکیگ.
