پارێزگار هەولێر: ئمساڵ مەترسیەیل لافاو کەمترە
![پارێزگار هەولێر: ئمساڵ مەترسیەیل لافاو کەمترە](https://media.shafaq.com/media/arcella/1696068305707.jpg)
خۆشناو ئەرا رووژنامەنویسەیل وت: نیەتوەنیمن گەرەنتی بیەیمن کە لافاو نەڵسێد، وەلێ وەنووڕستن ئەنجام ئەو ریکارەیلە کە جیوەجی کریانە، رخ لە لافاوەیل کەمترەو بوود، و ئومید خوەی نشان دا کە ئمساڵ بوود ساڵیگ فرە واران.
وتیش: لە ساڵەیل گوزەشتە گیچەڵ لەوەر ئاڵشتبوین کەشوهەوا داشتیمن، وەگەرد وەردەوامی کەم ئاوی لە وەرز تاوسان، و ئیرنگە وەگەرد کۆتایی مانگ ئەیلوول، تا رادەیگ رەوشەگە سروشتیەو بویە.
خۆشناو وتیش: ئامادەکاری وەگەرد هاتن وەرز پاییز دەسوەپی کەێد، و تا وەرز وەهار وەردەوام بوود ئەرا نواگردن رخ لافاوەیل.
لە ئاب ٢٠٢٢، ئومێد خۆشناو پارێزگار هەولێر، تەرخانکردن ١١ ملیار دینار ئەرا جیوەجیکردن چەن ریکاریگ راگەیان ئەرا نواگردن لافاوەیل لە شارەگە، لە وەرز زمسان.
لە دویادویای ساڵ ٢٠١١، لافاوەیل فرەیگ چەن ناوچەیگ لە هەولێر داگیر کردن، لە ئەنجام وارانەیل رفتیگ، کە بویە هوکار کوشیان ١٠ کەس، و بیسەروشوینس دوو کەس، وەگەرد زەرەدەیلیگ دارایی وە ٢١ ملیار دینار مەزەنە کریەێد.