پارێزگار هەولێر مردن عەمید کۆلێژ یاسا لە زانکۆی سەڵاحەدین راگەینێد
شەفەق نیوز/ سەرۆک حکومەت خۆجێی لە پارێزگای هەولێر پایتەخت هەرێم کوردستان، ئمڕوو سێشەممە، مردن عەمید کۆلیژ یاسا لە زانکۆی سەڵاحەدین کاوان ئیسماعیل راگەیان، ک لە دویای زەخمداربوینی وە گولە ک لەناو زانکۆ پەلاماری دریا، کووچ کردیە.
ئومێد خۆشناو لە کۆنگرەیگ رووژنامەوانی هاوبەش وەگەرد سامان بەرزنجی وەزیر تەندروسی و دلێر نەجار وەڕیەوبەر پۆلیس هەولێر وبڕیگ لە وەرپرسەیل وت: ئی باوەتە چوودەو ئەرا چەن ساڵیگ گوزەشتە، ک خوەنەوارە توومەتبارەگە لە زانکۆی سۆران دەرکریا، وتەقەلا دا جاریگتر ئەرا کۆلێژ یاسا گلیەو بیەن، باوجی وەگورەی رینمایل، کۆلێژ یاسا لە زانکۆی سەڵاحەدین نەتوەنست دووارە گلیەو بەێد.
وتیش؛ خوەنەوارەگە هەڕەشەی دکتۆر کاوان ئیسماعیل دایە، و پۆلیس دەسگیری کرد، باوجی وە کەفالەت مەرقەز کریا، و جەخت کرد ک بایەتە توومەتبارەگە خوەی بەێدە دەس، چوینکە لەوە دەرباز نیەکەێد، وخوەییش خاوەن تاوانەیل وەرینە.
پارێزگار دووپات لە کوشیان ئیدریس حەمە خان مامووستا لە کۆلێژ ئەندازیاری لە زانکۆی سەڵاحەدین کرد، وهەمیش دکتۆر کاوان ئیسماعیل عەمید کۆلێژ یاسا لە خود زانکۆەگە، دویای زەخمداربوینی وە پەنج گولە.
