پارێزگار ئیلام: لە سەرەتای مانگ سەرەفەرەو تا ئیسە 460 هەزار زیارەتکار لە سنوور مێهران ئەرا عراق رەدبوینە
2024-08-14T08:31:48+00:00
شەفەق نیوز/ پارێزگار ئیلام، ئمڕوو چوارشەممە، راگەیان لەسەرەتای مانگ سەفەرەو تا ئیسە 460 هەزار کەس لە سنوور مێهرانەوهاتوچوی کردیە و لە شەو و رووژ وەرین ئاست هاتوچوی لەو سنوورە زیاتر لە 102 هەزار کەس بویە.
وەپای راپۆرتیگ ئاژانس خەوەری " مێهر"، حەسەن بەهرام نیا پارێزگار ئیلام فەیلی راگەیان: لە ساعەت 24 ی شەو وەرین تا شەوەکی نزیکەی 73 هەزار کەس لە سنوور ناودەوڵەتی مێهرانەو هاتوچوی کردیە.
لەباوەت مەردم پارێزگای ئیلام وت؛ مەردم ئەو پارێزگایە ماڵەیل خوەیان کردنەسە بەیتولحسێن و وە گشت توان خوەیان میوانداری لە زیارەتکارەیل کەن.
وتیش؛ مەردم نیگەران نەون ئەرا پارک کردن ماشینیان چوینکە لەو سنوورە شوین پارک زیاتر لە 400 هەزار ماشین هەس.
