کارەبای هەرێم کوردستان رێژەی وەپیدان وەزە ئەرا 18 ساعەت لە روژیگ بەرزەوکر
2022-09-25T13:26:13+00:00
شەفەق نیوز/ وەزارەت کارەبا لە هەرێم کوردستان، ئمڕوو یەکشەممە، راگەیان رێژەی کارەبا وەپیدان زیایەوکەێد رەسێدە 18 ساعەت لە رووژیگ.
ئۆمێد ئەحمەد قسەکەر وەزارەت کارەبا لە بەیاننامیگ ئمڕوو وت: هاز وەزارەتەگە ئەرا بەرهەم هاوردن وزە رەسیەس ئەرا 3500 مێگاوات.
وتیش، لە وەرز تاوسان تێکرا 14 ئەرا 15 وزە ئەرا سیستەم تووڕ کارەبایی نیشتمانی دابینکریایە، وتیش ئێرەنگە دویای ئەوە داواکاری لەبان کارەبا کەمەوبویە، ماوەی وەپیدان کارەبا ئەرا 18 ساعەت لە رووژەگە زیایەوکردیە.
دیاریکرد، کار ئەرا بەرهەم هاوردن گاز سرووشتی کریەێد وە رێژەی 50 ملیۆن پا سێجا لە کێلگەی کۆرمۆر، وە یەیش بەرهەم هاوردن کارەبا وە رێژەی 250 مێگاوات زیایەو بوود.
