پارتی: پەکەکە لە شەنگال نەکیشاسەو
شەفەق نیوز/ وەرپرسیگ لە پارت دیموکرات کوردستان، ئمڕوو جمعە، وت: هێزەیل پەکەکە لە ناوەند شەنگال نەکیشانەسەو، لەوەختیگ ئۆپراسیۆنە هاوبەشەگان عراق لە زووان قسەکەرەگەی راگەیان چووڵبوین قەزاگە لە باڵە چەکدارەگان، لە دویای رەسین رێککەفتنەگەی ناوبەین هەولێر و بەغداد ئەرا ئاست جیوەجیکردن.
قادر قاچاغ وەرپرس لق شەنگال لە پارت دیموکرات کوردستان ئەرا ئاژانس شەفەق نیوز وت: جەنگاوەرەیل پەکەکە تەنیا لە سێ بارەگا کیشانەو، ئەرا خەڵەتانن وە درچگنیان لە شەنگال، و راسیەگە لیوا نییە.
و ئاماژە کرد ک رێککەفتنەگە لەناوبەین حکومەت فیدڕاڵی و حکومەت هەرێم کوردستان باس دەرکردن هێزەیل حەشد شەعبی و پەکەکە ئەرا ٥ کێلومەتر لە دەیشت قەزای شەنگال کەێد، و داوای بەشداربوین نۆێنەر حکومەت هەرێم کوردستان وەگەرد نۆێنەرەیل نەتەوە یەکگرتووەکان کرد چەودێری لە جیوەجیکردن رێککەفتنەگە بکەن.
وەرپرسەگە لە پارتی دووپاتکرد ک هێزەیل پێشمەرگە هانە مەزار شەرەفدین لە بان کویەی شەنگال، وە فەرماندەیی قاسم شەشو ک هاتەو ئەرا ئەرکەگانی دویای ئەوەگ پارت دیموکرات کوردستان وەرجە چەن رووژیگ رازی لە دەسکیشانەوەی لە پۆستەگەی نەوی.
