کابرایگ لە هەرێم کوردستان مەوقەی میوانیکردنی لەماڵ خەسویرەی ماڵیان دزێد

شەفەق نیوز/ وەڕێەوبەرایەتی پۆلیس ئیدارەی ناوچەی راپەڕین لە هەرێم کوردستان، ئمڕوو پەنجشەممە، خەوەردا لە چەکانن بەنادیگ چەن کردەویگ دزیکردن جیوەجی کردنە، لەناویان دزیکردن لەماڵ باوان ژن یەکیگ لە ئەندامەیلی.

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: باندیگ دزیکردن چەکانیە، کەسەیلی وە  ٢٥ دزیکردن جیاجیا توومەتبارن، لەناویان دزیکردن ئەڵاجەوییگ بویە، هەنای یەکیگ لەلیان ماڵ خەسویرەی مەوقەی میوانیکردنی لە ماڵیان دزیە.

بەیاننامەگە دیاری کرد ک ئەو کابرا وە برادەرەگەی لە کەسەیل باندەگە وتیە بچوودە ماڵ باوان ژنەگەی و دزیەگە جیوەجی بکەێد، وتیش" زیاتر لە ١٧ مەلیۆن دینار عراقی و ١٠ هەزار دۆلار ئەمریکی لەو ماڵە دزینە".