ئیلام فەیلی هاوکاری ئۆکسجین ره‌سنیده عراق
شەفەق نیوز/ قام سولەیمانی دەشتەکی پارێزگار ئیلام فەیلی باس لە بتەو کردن پەیوەندیە بازرگانیەگان وەگەرد عراق كرد ، وه‌تایبەت پارێزگای واسیت.
سولەیمانی دەشتەکی لە چەوپیکەفتنیگ وەل محمد جەمیل مەیاحی پارێزگار واسیت وت: هەردوگلاگە باس ئەوزەڵکردن پەیوەندی بازرگانی ناوبەین هەردوگ وڵاتەگە کردن، وه‌تایبەت ناوبەین هەردوگ پارێزگا هاوساگە ئیلام و واسیت. وتیش گفتوگۆەیل ناوبەین هەردوگلای ئیرانی و عراقی گواستنەوەی زیارەتکەرەیل و بازرگانی گردەو، هەمیش بازاڕ جەنغولە و دژە کۆڕۆنا.
هەمیش وت: پەتای کۆرۆنا و گرفتە ناوخۆەیل عراق ، كاریگه‌ری داشتیه له پەیوەندی ناوبەین هەردوگلا ، و داواکردیمن روژەیل وازکردن مەرزەگە لەدوو رووژ فرەترەوبوود ئەرا گشت هەفتەگە.
لایەنە ئیرانیەگە گشت رێککەفتنەیل ویادداشتەیل ک واژو کریاگە خستە وەر جیوەجیکردن، و دیاری کرد ک شاندیگ عراقی وە سەرپەرشتی پارێزگار واسیت سەردان ئیلام کەێد ئەرا چەودیری باوەتەگە.
وتیش: هەردوگلاگە هانە تەگبیر ئەوزەڵکردن گواستنەوەی بازرگانی ناوبەینیان وە گەشەکردن لە مەرز جەنغولە و جیلات و هەلالەی باکووری.
ئاماژەشدا ئەرا فرە پێوەستی واسیت وه ئۆکسجین، و دیاری کرد ک هەردوگلاگە رێککەفتن لەبان هەناردەی ئۆکسجین ئەرا عراق، وەدەسمیەت کەرت تایبەت و جوور بازرگانی، و ئەوسا شاندیگ عراقی لە هەفتەی ئاینده ئەرا باسکردن لە ووردەکاریەگان سەردان ئیلام کەێد.
