36 زياره‌تچى عراقى له ئيران مردن و زخمدار بوين
2015-09-07T09:04:37+00:00
شاكرى له لێدوانيگ ك ئاژانس فه‌رمى هه‌واڵه‌يل ئيرانى "ئيرنا" جيوازى كرد و(شه‌فه‌ق نيوز) ئاگادارى بوى، وت: ئه‌و زياره‌تچيه‌يل عراقيه دوياى زياره‌ت مه‌زارگه‌ى سه‌يده مه‌عسومه له شار قوم پيرووز هاتنه‌سه‌و وه‌ره‌و مه‌رزه‌يل مهران، وه‌لى له‌ناونى ڕى مه‌لايه‌ر و بروجه‌رد سه‌ياره‌گه‌يان قه‌ڵبه‌و بويه.
جى باسه، شاكرى ئاماژه وه يه‌يش كرد ك واران و ڕيكردن سورعه‌ت فريه‌يگ و ناتوانايى شوفێره‌گه له‌بان كۆنترۆڵكردن سه‌ياره‌گه بويه‌سه هووكار قه‌ڵبه‌وبوينى و له ئاكاميش 10 ژن و يه‌ك پياو گيان له‌ده‌سدانه‌و 25يش زه‌خمدار بوينه‌و جيواز كريانه ئه‌را نه‌خوه‌شخانه‌يل شار مه‌لايه‌ر.
