24 ملياری ئەرا دەیشت چگ.. زیاتر لە 26 مليار دۆلار فرووشتن بانک ناوەندی عراق وەماوەی 6 مانگ
2024-07-23T10:26:47+00:00
شەفەق نیوز/ بڕ گشتی فرووش دراو بانک ناوەندی عراق وە دۆلار ئەمریکی لە ماوەی ٦ مانگ گوزەشتە کە زیایکردنەگە واز بویە، رەسیە زیاتر لە ٢٦ ملیار دۆلار.
پەیامنێر ئاژانس شەفەق نیوز وت: لە ماوەی ٦ مانگ گوزەشتە کە زیایکردنەگە واز بویە، بانک ناوەندی ٢٦ ملیار و ٥٣٩ ملیۆن و ٥٩٨ هەزار و ٢٨١ دۆلار فرووشتگە، کە مانگانە ٤ ملیار و ٤٢٣ ملیۆن و ٢٦٦ هەزار و ٣٨٠ دۆلار کەێد.
بەرزترین فرووش دۆلار لە ماوەی مانگ ئایار بویە، کە فرووش ٥ ملیار و ٢٥٧ ملیۆن و ٧٩ هەزار و ٩٠٣ دۆلار بویە، کەمترین فرووشیش لە مانگ یەک بویە، کە فرووشی ٤ ملیار و ٩٥ ملیۆن و ٥٨٣ هەزار دۆلار و ٤٠٤ دۆلار بویە.
پەیامنێرمان وتیش: فرووشتن هەواڵەی دەرەکی لە ماوەی ٦ مانگ گوزەشتە بڕی؛ 24 ملیار و 105 ملیۆن و 770 هەزار و 121 دۆلار، بە بەراورد وە فرووش نەختینەیی 89% زیای کردگە، کە 2 ملیار و 565 ملیۆن و 785 هەزار و 811 دۆلار بویە.
