111 ملیۆن دۆلار.. بەرزەوبۊن هەناردەیل بەریتانیا ئەرا عراق لە ماوەی 3 مانگ
شەفەق نیوز- لەندەن
داتایەیل دەسەی داهاتەیل و گومرک بەریتانی، رووژ شەممە، نیشان دان کە بڕ هەناردەیل شانشین یەکگرتگ ئەرا عراق لە ماوەی چارەک دۊەم لە ساڵ 2026 بەرزەو بۊە ئەرا نزیکەی 111 ملیۆن دۆلار.
وەپای ئەو داتایەیلە کە ئاژانس شەفەق نیوز چەوی وەپیان کەفت، گشت هەناردەیل بەریتانیا ئەرا عراق لە ماوەی چارەک دۊەم لە ساڵ 2026 رەسیە 111 ملیۆن دۆلار، لە وەرانوەر نزیکەی 107 ملیۆن دۆلار لە چارەک یەکەم، وە زیایبۊنیگ کە بڕی نزیکەی 4 ملیۆن دۆلارە، و وە ریژەیگ نزیکەی 3.7%.
و ماشینەیل و پێکهاتەیلیان چگنە نوای لیست کاڵایەیل بەریتانی هەناردەکریاگ ئەرا عراق لە ماوەی چارەک دۊەم، وە بڕیگ کە رەسیە نزیکەی 33 ملیۆن دۆلار، و لەشۊنی بەرهەمەیل دەرمانسازی وە نزیکەی 20 ملیۆن دۆلار هات، دۊاتر ئامێر و کەلوپەلەیل میکانیکی وە نزیکەی 12 ملیۆن دۆلار.
بڕ هەناردەیل ئامێر و کەلوپەلەیل کارەبایی رەسیە نزیکەی 6.9 ملیۆن دۆلار، لە وەختیگ هەناردەیل روینەیل بووخوەش و بەرهەمەیل بوو و جوانکاری و ئاگاداری کەسی رەسیە نزیکەی 6.2 ملیۆن دۆلار.
هەمیش دیارترین هەناردەیل بەریتانی ئەرا عراق لە ماوەی چارەک دۊەم لە ساڵەگە، ئامێر و دەزگایەیل چەویی و پزیشکی، و سزەمەنی و بەرهەمەیل کانزایی، و نووشینەیل، و بەرهەمەیل کیمیایی جۊراوجۊر، و دەرهاوردەیل چەرمسازی و رەنگکردن مەرەکەبەیل گردە خوەی.
