یەکیگ لە قەزاگان سەلاحەدین ئاشکرای هۆکار تویشنەهاتنی وە کۆڕۆنا کەێد
شەفەق نیوز/ قەزای ئامرلی له خوەرهەڵات سەلاحەدین، ئمڕوو چوارشەممە، باس کرد ک دویری جوگڕافی و جیابوینەوەی لە باقی ناوچەیل پاێزگاگە جوور هۆکارەیلیگه ئەرا چوڵ بوینی لە پەتای کۆڕۆنا.
عادل شەکور قایمقام قەزاگە ئەرا ئاژانس شەفەق نیوز وت؛ قەزای ئامرلی هویچ تویشهاتنیگ وە ڤایڕۆس کۆڕۆنا تۆمار نەکردگە، چوینکە دویرە لە هێڵ وەقەیدریاگ و گواستنەوەی ناوبەین ناوچەگان، وئەرا دویری فرەیگ، وهەژمار کەمیگ لەوانەیگ لە ناوچەیلیگ تر تیەن.
وتیش؛ خاس جیوەجیکردن پلان قەیەغەی مقەیەتی، هەماهەنگی وەل شانەی قەیرانەگە لە پارێزگای سەلاحەدین، هەمیش بویە هۆکاریگ ئەرا نواگردن لە تویشهاتن .
شەکور هەمیش وت؛ دابینکردن مقەیەتی قورسەیگ وەجیهاوردیمن، لەری دانان تیمەیل پزشکی ئەرا تاقیکردن ئەندامە ئەمنیەگان ک وەنۆبە لە دەیشت قەزاگەو تیەن، لە وەخت دەرچگنیان و هاتنیان، ئەرا نواگردن لە بڵاوبوین پەتاگە له‌ناو هیزه‌یل ئه‌منی.
