کەرەنتینەی ناوچەیگ لە دیالە دویای بڵاوبوین ڤاێڕۆس کۆڕۆنا

شەفەق نیوز/ سەرچەویگ خۆجێی لە دیالە، ئمڕوو جومعە، باس لە جیوەجیکردن کەرەنتینەی یەکیگ لە گەڕەکەیل بەعقوبە کرد، دویای تۆمارکردن ١٠ تویشهاتن وەکۆڕۆنا.
عەبدوڵا حەیالی قایمقام بەعقوبەو ئەندام شانەی قەیرانەگە ئەرا ئاژانس شەفەق نیوز وت؛ هێزە ئەمنیەگان دەسکردنە جیوەجیکردن کەرەنتینەی ناوچەیی، وناوچەی (خان لوالوە) لە بەعقوبەی نوو بەسانن، دویای تۆمارکردن ١٠ تویشهاتگ کۆڕۆنا لەناوچەگە.
وتیش؛ تویشهاتگەیلە ئەرا چارەسەری وچەودێری تەندروسی، لە میوانخانەی بەعقوبە کەرەنتینە کریان ، و١٥٠ کەس لە قەومەیل تویشهاتگەیلە لەناو ماڵەیل خوەیان کەرەنتینە کریان، ونمونە لەلیان بریا ئەرا تاقیکردن. جی باسە ک دیالە ٣٧ تویشهاتگ وە کۆڕۆنا تومار کردوید، ٢٢ لەلیان خاسەوبوی، و لە ئادار وەرین ٥ مردن تۆمار کریا.