کەربولیه‌یل برا، کەفنە ناکۆکی قویلیگ دەربارەی وەزیر وه‌رزش
شەفەق نیوز/ مەحەمەد کەربولی، نۆینەر هاوپەیمانی هێزە عیراقیەگان، ئمڕوو جومعە، تاریف وزارەت وەرزشیو گەنجەیل وەدەس عەدنان درجال یاریکەر دەوڵەتی وەرین کرد وکانیدکردنی لە لاین هاوپەیمانی هێزە عیراقیەگان وە کوتان بسماریگ لە تابوت تایفی دانا.
کەربولی لە تویتیگ لەبان سایت تویتەر ک شەفەق چەودێریی کرد، وت؛ دەرفەتیگ گەورا ها وەردەم کازمی ئەرا کوتانن بسماریگ لە تابووت تایفیەت دویای دیاری كردن درجال ئه‌را وه‌زاره‌ت وه‌رزش لە لایه‌ن هاوپەیمانی هێزە عیراقیەگان.
کەربولی هەمیش وت؛ وە وەزیرکردن هەر سومبولیگ عیراقی ئەرا ئەو پەنج وزارەتەگە ک مەنیە لە بەش فراکسیۆنیگان، کارەگەری خوەشیگ خەێدە دەروین عیراقیەیل، و دەرفەت سەرکەفتن زیایەو کەێد. و کۆتایی تویتەگەی وە هاشتاگ (دەرفەت خاسەوکردن وەدەس بگرن) کرد.
ئی تویتە وەشیوەیگ جێواز هات لە تویت جەمال کەربولی برای بەرپرس حزب چارەسەر.
جەمال کەربولی پەلامار سەختیگ کردە بان مەحەمەد حەلبوسی ئەرا دەسکاری کابینە وزاریەگه تایبەت وە به‌ش سوننە و وت ؛ (چمان ماڵ باوگیە).
