کازمی: وەی نزیکە ناوە قوربانیەیل خۆپیشاندانەگان راگەینریەێد
شەفەق نیوز/ موستەفا کازمی سەرۆک ئەنجومەن وەزیران، ئمڕوو شەممە، راگەیان حکومەتەگەی گام گەورایگ بڕی لە باوەت قوربانیەیل خۆپیشاندانە جەماوەریەگان، و پەیماندا وە راگەیانن ناوەگان وەی نزیکە. نووسینگەی کازمی لە بەیاننامەیگ رەسیە ئاژانس شەفەق نیوز وت: کازمی پێشوازی کرد لە خیزان رۆژنامەنووس تەوفیق تمیمی، ک لەلایەن چەکدارەیلیگ لە مانگ ئادار گوزەیشتە رفیا.
کازمی دووپاتکرد: حکومەتەگی گشت رەنجەیلی دەێد ئەرا چەودیری لە باوەت رفانن رۆژنامەنووس تەوفیق تمیمی، و کۆتای هاوردن و زیانی، و خوەی وەڕاسیەو چەودیری باوەت گشت رفیاگەیل کەێد ئه‌را یەکلاکردنەوەی ئی باوەتە.
وتیش: ئی تاوانەیلە ئەمن و ئارامی شیونێد، و کاریگەری دیرید له‌بان دەسکەفتەیل هێزە ئەمنیەگان لە وەشوونکەفتن تیرۆر و چەسپانن ئاسایش لە گشت عراق.
هەمیش وت: حکومەتەگە هیچ رەنجیگ نیخەێدە دیر، ئەرا وەشوونکەفتن تاوانبارەیل و بکوشەیل و رەوانەکردنیان ئەرا دادگا.
کازمی وتیش: حکومەتەگەی گام گەورایگ بری لە باوەت قوربانیەیل خۆپیشاندانە جەماوەریەگان، و پەیماندا وە راگەیانن ناوەگان وەی نزیکە، تا مافەیل خوەیان وەربگرن.
لەلای خوەیانیش، خیزانەگەی رۆژنامەنووس تەوفیق تمیمی، سوپاس له کازمی کردن، ئەرا گرنگیدانی وەچەودیری ئی باوەتە، و شیویەگ ک چەودیری باوگانە نشان دەێد و جەختی لەبان مقەیەتی ئازادی را و خاوەنەیل وشەی ئازاد.
