پۆليس به‌سره ده‌سدريژى ئه‌را بان خوه‌ينيشانده‌ره‌يل خسته دروو
2015-08-10T08:20:20+00:00
سه‌ركردايه‌تى پۆليس به‌سره له به‌ياننامه‌يگ ك(شه‌فه‌ق نيوز)ئاگادارى بوى، وت: پۆليس به‌سره پابه‌نده وه رينمايه‌يل وزاره‌ت ناوخوه‌يى ك ئاماژه وه پيشكه‌شكردن خزمه‌تگوزارى ئه‌كا ئه‌را خوه‌ينيشانده‌ره‌يل و زه‌مانه‌تكردن مافه‌يليان له‌و كرده‌وه‌يله.
به‌ياننامه‌گه ئاشكراى ئه‌وه‌يش كرد ك هاوكارى گه‌ورايگيش له‌ناونى پۆليس و هاووڵاتيه‌يليش بويه وه‌خاتر مقه‌يه‌تيكردن له دارايى گشتى و دام و ده‌زگايه‌يل حكومه‌ت و هويچ ده‌سدريژييگ نه‌كرياسه بان خوه‌ينيشانده‌ره‌يل.
