په‌رله‌مان عراقى"خاسسازيه‌يل عبادى"تاوتوى ئه‌كا

له‌ى باوه‌ته‌و، قسه‌كه‌ر وه‌ناو عبادى له‌ ئاشكراكردنيگ ك(شه‌فه‌ق نيوز)ئاگادارى بوى، وت: ئه‌نجومه‌ن وه‌زيره‌يل رازى بويه‌ له‌بان ئه‌و خاسازيه‌يل پيشنياركرياگه‌ له‌لايه‌ن سه‌رۆك وه‌زيره‌يله‌و، وه‌لى هه‌وه‌جه‌ وه‌ ره‌زامه‌نى په‌رله‌مان ديرێد ك له‌ى باوه‌ته‌و سوو سێشه‌ممه‌ دانيشتنيگ تايبه‌ت ساز ئه‌كا ئه‌را تاوتويكردن و ده‌نگداين له‌بانى.

جى باسه‌، سه‌رۆك وه‌زيره‌يل له‌و رينمايه‌يله‌ بريار ئه‌وه‌يش دا گ شماره‌ى پاسه‌وانه‌يل گشت وه‌رپرسه‌يليش كه‌مه‌و بكريه‌ێد و له‌وانه‌يش پاسه‌وانه‌يل هه‌رسێ سه‌ركايه‌تى و وه‌زيره‌يل و ئه‌نجومه‌ن نوێنه‌ره‌يل و پله‌يل تايبه‌ت و وه‌ڕيه‌وبه‌ره‌يل گشتى و پاريزگاره‌يل و ئه‌ندامه‌يل ئه‌نجومه‌ن نوێنه‌ره‌يل.