په‌رله‌مان باسى كرد.. شاروچكه‌يگ عراقى په‌نج ساڵه له‌هويره‌و برياگه
شه‌فه‌ق نيوز/ شار بێجى له باكوور پاريزگاى سه‌ڵاحه‌دين ك گه‌وراترين نه‌فتپاڵوو له عراق داشت، پشتگووش خرياگه له‌لايه‌ن حكومه‌ته‌و ئه‌را ماوه‌ى په‌نج ساڵه وه وه‌رده‌وام، باس له‌وه‌يش ئه‌كريه‌ێد پشت وه ده‌سميه‌ته‌يل دياريكرياێ مرۆيى به‌سێد.
له‌ى باوه‌ته‌و، سه‌عه‌د خه‌زعه‌ل قايمقام بێجى ئه‌را ئاژانس شه‌فه‌ق نيوز وت: سه‌ربار ئه‌وه‌گ له‌لايه‌ن په‌رله‌مان عراقييه‌و باس كريا ك بێجى ناوچه‌يگ سته‌مديده‌س ئه‌را ماوه‌ى ساڵه‌يليگه، وه‌لێ ئى باسه هيمان مره‌كه‌وييگه له‌بان لاپه‌ڕه، باس له‌وه‌يش كرد هيمان هويچ پشتگيرييگ ئه‌را قه‌زاگه وه‌رنه‌گيرياگه وه گووره‌ى ويرانكارييه ك له‌لايه‌ن داعشه‌و ره‌سيه‌سه قه‌زاگه له‌ناونى ساڵه‌يل 2014 و 2015.
خه‌زعه‌ل وت: بێجى هيمان له‌بان ده‌سميه‌ته‌يل مرۆيى دياريكرياگيگ له ريكخرياگ ناوده‌وڵه‌تييه‌و ژيه‌ێد و گشت پرووژه‌يل ويرانكرياێ و راگيرياێ هيمان وه‌و حاڵه‌ته‌و مه‌ندنه ئه‌را ماوه‌ى په‌نج ساڵه‌و ئاماژه وه‌يه‌يش كرد بارودوخ خزمه‌تگوزارييش هه‌وه‌جه وه بودجه‌ى تايبه‌ت ديرێد له‌وه‌ر هاوردنه‌وه‌ى قه‌زاگه ئه‌را وه‌رجه ساڵ 2014.
