پنتاگۆن: روسيا وهی ههڕهشهيل دوياخريه وازی وه ئاگر ئهكا
![پنتاگۆن: روسيا وهی ههڕهشهيل دوياخريه وازی وه ئاگر ئهكا](https://media.shafaq.com/media/archive/files/Archive.jpg)
رۆبرت وۆرك جيگر وهزير وهرگری له باسيگ ئهرا ليژنهی هيزهيل چهكدار له ئهنجومهن نوێنهرهيل ئهمريكی ك(شهفهق نيوز)ئاگاداری بوی، وت: پهرهداين و فراوانكردن جبهخانهی ئهتۆمی ئهمريكی له ساڵهيل ئاينده نزيكهی ٧% ميزانيه وزارهت و هرگری داگير كرد و حاڵ حازر ناچاره له بهرنامهيل تر كهمهو بكا ئهگهر تهمويل زيايه وهپی نهدريهيد، ئاماژه وهيهيش كرد ك ههوڵ موسكۆ ئهرا وهكارهاوردن هيزهيل ئهتۆميهگهی وهخاتر رخهوبردن هاوسايهيلی لهڕوی متمانهی ئهندامهيل هاوپهيمان باكوور ئهتڵهسی شكهست وهخويهو ديه.
جيگر وهزير وهرگری ئهمريكی ههميش وت: روسيا وهردهوامه له ياساشكنی ريككهفتن چهك ئهتۆمی و ئهگهريش باوهڕی ئهوهسه ك لهڕی وهكارهاوردن ئهو چهكهو ههڕهشه بكا، ئهوه بيگومان وازی وه ئاگر ئهكا.
ج . أ